კამპანია “გავხადოთ ჩვენი გზა უსაფრთხო“ დაიწყო

კამპანია “გავხადოთ ჩვენი გზა უსაფრთხო“ დაიწყო

დღეს, სასტუმრო „Tbilisi Rooms Hotel“–ში პროექტის „საგზაოუსაფრთხოების შესახებ ცოდნისა და ცნობიერების ამაღლებისკამპანია - გავხადოთ ჩვენი გზა უსაფრთხო E 60“  პრეზენტაცია გაიმართა.

პროექტის პრეზენტაციას საქართველოს რეგიონული განვითარებისადა ინფრასტრუქტურის მინისტრი ნოდარ ჯავახიშვილი,საქართველოს საავტომობილო გზების დეპარტამენტის თავმჯდომარე გიორგი სეთურიძე, საქართველოს შინაგან საქმეთასამინისტროს, საქართველოს შრომის, ჯანმრთელობისა და სოციალური დაცვის სამინისტროს, საქართველოს ეკონომიკისა და მდგრადი განვითარების სამინისტროს, განათლებისა და მეცნიერების სამინისტროს,  მსოფლიო ბანკისა და არასამთავრობო ორგანიზაციების წარმომადგენლები ესწრებოდნენ.

პროექტი საქართველოზე გამავალი სატრანზიტო ჩქაროსნული გზის - E 60 ავტომაგისტრალის ევროპული სტანდარტებთან ჰარმონიზაციის სტრატეგიის ერთ-ერთ კომპონენტს წარმოადგენს. მისი მიზანია, გზის მომხმარებლის ჩართულობით, საგზაო უსაფრთხოების მაღალი სტანდარტების მიღწევა; კერძოდ: E-60თბილისი-ფოთის მაგისტრალზე საგზაო-სატრანსპორტო შემთხვევების შემცირება; სიჩქარის გადაჭარბების,არასწორი მანევრირების, უყურადღებოდ მართვის, მანქანის გადაღლილ და  ნასვამ მდგომარეობაშიმართვის შემთხვევების შემცირება; მაგისტრალზე დასახლებულ ადგილებსა და ავტობუსის გაჩერებებთან, ასევე მიმდებარედ მცხოვრები ქვეითებისათვის უსაფრთხო გადაადგილების უზრუნველყოფა.

პროექტის ფარგლებში, საგზაო უსაფრთხოების რისკ-ფაქტორების  შესახებ საინფორმაციო შეხვედრებსა დატრეინინგებში მონაწილეობას მიიღებს დაახლოებით 700 მძღოლი (სატრანზიტო გადამზიდავები,საქალაქთაშორისო სამგზავრო ავტოტრანსპორტის მძღოლები) და მაგისტრალის მიმდებარე დასახლებებშიარსებული სკოლების 1300 მოსწავლე; საინფორმაციო მასალები დაურიგდება დაახლოებით 40,000ადამიანს (მძღოლი, მგზავრი); შესაბამისი ინფორმაცია ფართო საზოგადოებას პერიოდულად მიეწოდებაცენტრალური და რეგიონული ტელევიზიების საშუალებით.

E60 ჩქაროსნულ გზატკეცილზე ცოდნისა და ცნობიერების ამაღლების კამპანიას, „გავხადოთ ჩვენი გზა უსაფრთხო E 60“,  საქართველოს რეგიონული განვითარებისა და ინფრასტრუქტურის სამინისტროსსაავტომობილო გზების დეპარტამენტის დაკვეთით, ტენდერით შერჩეული ორგანიზაცია – ფონდი„პარტნიორობა საგზაო უსაფრთხოებისათვის“ ახორციელებს.